Eriong Amphan: Syllad ka lyer u slap, twa khydew ha ki bun jaka ha Jowai & shlei ka Wah Myntdu

Syllad | The Rising MeghalayaMay 26, 2020

Ka jingwan ther u lapbah ba jur kala wanrah ka jingshlei um ha kylleng bad kala wanrah ruh ka jingtwa khyndew ha ki katto katne ki shnong, hynrei ym don kano kano ka jingjia ba sngewsih haka sngi ba Ar.

Ka Wah Myntdu kala shlei smam namar ka jingkiew kynsan ka um, ka umsaw kala tap lut iaki pynthor ki hali bad ka surok. Ha ki bynta jong ka Syntu Ksiar ka umsaw kala tap iaka surok bad iing briew bad kali

Baroh ki briew kiba sah sharud um kila hap ban phet noh.

Nalor ka jingshlei um kala don ka jingtwa khyndew kaba jur ha kaba la wanrah ka ingsahklut ka lynti syngkieng haka surok Dawki Amlarem Jowai. Haduh 4 jaka la don ka jingtwa khyndew ha kane ka surok ha ki bynta jong ka Riatsasim. Bun ki paidbah kiba thmu ban wan Jowai kila hap ban leit phai sha ki iing ki sem

Kala don ka jingtwa khydew ha kiba ki jaka ha ki shnong kiba hap ha sor Jowai. Kine ki shnong ki kynthup iaka Chilliangraij, Iawmusiang, Caroline Colony bad kiwei kiwei ki jaka.