Ha EC bad dorbar ka konsil yn iakren ban pynim iaka elaka kaba iap ha khappud Assam Meghalaya ong u CEM JHADC

Syllad | The Rising MeghalayaFebruary 1, 2022

U Chief Executive Member (CEM) jong ka Jaintia Hills Autonomous District Council (JHADC) ula ong ba yn hap ban iakren sani bha hapoh ka Executive Committee bad kumjuh hapoh ka dorbar jong ka konsil ban shim iaka rai ban pynim biang iaka Elaka kaba iap ka Labang Nangphyllut Pangam Raliang kaba hap ha Block I, ka jaka kaba iakhajia hadpeng ka Assam bad Meghlaya.

Kane ka Elaka ka don ki phew tylli ki shong Khasi Pnar hynrei haduh mynta mynne kine ki shnong kim pat long thikna ka jinglong trai jylla jong ki namar ka jingiakhjia pud sam ka Assam bad Meghalaya.

U CEM uba la hiar sha katei ka jaka ha ryngkat bad ki Executive Member bad ki MDC hapoh ka EC jong u haka 28 tarik une u bnai haka ‘Cultural Meet’ kaba nyngkong eh kaba la pynlong da ka Labang Nangphyllut & Pangam Raliang Area Committee (LNPRAC) ha ryngkat ka jingiatreilang bad ka Jaintia Hills Autonomous District Council ( JHADC) ha Madan Football jong ka shnong Lamarang .

Ka matpdeng jong kane ka  prokram kalong, ” Im ka Riti ka Dustur, im ka jaitbru “.

La wan ban iashimbynta da ki shnong naki 36 tylli ki shnong Khasi Pnar kiba don ha Block-1, u Acting Dolloi ba shu thung da u paidbah u Ma Prolin Samaiang, u Secretary ka Elaka Labang Nangphyllut u Wing Sutong , ki lai Langdoh Shynrang bad lai Langdoh Kynthei jong ka Raid Nongjrong  Raid Labang bad Raid Nangphyllut, ki Nongkitkam ka Labang Nangphyllut &  Pangam Raliang Area Committee, Chandame Sungoh Chairman Hynñiewtrep Border Disputed Redressal Forum ( HBDRF) bad u L Tariang Organising Secretary Khasi Student Union (KSU ) Jaintia Hills, ki riew pawkhmat riew rangbah bad da ki spah ngut u paidbah na kylleng ki shnong.

Nakaliang ka JHADC nalor u CEM ma  Thombor Shiwat, Chief Executive Members  la iadonlang u Lasky Rymbai Deputy CEM, Eveningstar Teron MDC Nongjngi, Jesse Suiam MDC Moodymmai Wahiajer, Brightstar Chyrmang, Aibor Shadap MDC Barato Mukroh, Dr. Henry Lamin MLA barim bad kiwei kiwei.

Iaka jingïalang la pyniaid da u Ma Comingson Dkhar Chairman Labang Nangphyllut Pangam Raliang Area Committee.

Ha kane ka sngi kane ka Labang Nangphyllut & Pangam Raliang Area Committee kala ai da ka dorkhat ha u CEM ban pynim biang ia kane ka elaka bad ban ithuh iaki shnong ki thaw hapoh ka konsil.

U CEM ula ong ba haka jingtyrwa ban pynkylla thymmai iaka Sixth Schedule ka JHADC kala tyrwa ban 32 ngut ki MDC kynnthup 2 ngut kiba shu sieh. Kumta lada ka sorkar pdeng ka ai iaka jingmynjur kawei na ki MDC constituency yn pynkha na kane ka thain.

Shuh shuh ula ong ban pynim ia kane ka elaka kaba iap ka EC kan shong pyrkhat sani bad yn iathir sani bha ruh hapoh ka dorbar jong ka konsil.

Ha kaba iadei bad u Acting Dolloi ka konsil kan sa shong pyrkhat ban pynskem ne ai jingithuh ia u ynda lah ban pynim biang iakane ka Elaka la ong u CEM.

U CEM ula kyntu iaki paidbah ban iaishah bad ban iatreilang bad ka konsil bad kiar naka jingbam ar maloi kaba dei kawei na ki jingeh ba iakynduh ban pynbeit ia u pud u sam ka Jylla.