Ha ka minit ba khatduh pynpep hiar Psiar U Chief Minister

Syllad | The Rising MeghalayaSeptember 16, 2019

JOWAI: Ka jingpynkhreh bad ka jingangnud jong ki nongshong shnong ka shnong Psiar ia ka jingwaniuhkjat jong u Chief Minister ka Jylla Meghalaya kala bijai ei namar ba u Chief Minister ula pynpep noh ban wan hiar sha katei ka shnong.

U Chief Minister Conrad K Sangma u la ai ka jingkular jong u ban leit sha ka shnong Psiar ban long u kongsan ha ka jingrakhe jingdap arphew san snem jong ka Psiar Upper Primary School bad jingbuh mawnongrim na ka bynta ban kyntiew kyrdan ïaka Psiar Secondary School lashai ka sngi Nailur 17.

Hynrei mynta ka janmiet la ioh khubor kaba thikna na ka tnat pulit ba u Chief Minister u la pynpep noh ia ka jingleit jong u sha ka shnong Psiar na ki daw bym lah kiar.

Ka shnong Psiar ka don ha ka khappud jong ka West Jaintia Hills District bad mynta ka hapdeng ha ka jingiakajia pud bad ka sorkar Assam.

Dang shen ka la don ka jingiapyni bor kaba khraw hapdeng ka jylla Meghalaya bad Assam haba ki Assam ki la wan shna ia ka outpost pulit ha Khatkasla hynrei ki hap ban pynpra noh na ka jingpyrshah jong ka sorkar Meghalaya.