Ha ka sien kaba nyngkong iatai ka SLPGC ka sorkar jylla halor ka jingeh jong ki paidbah

Syllad | The Rising MeghalayaSeptember 8, 2023

Ka State Level Public Grievance Committee (SLPGC), ka sorkar Meghalaya kaba la thung katkum ka shithi No.POL.28/2018/Pt.II/10,  dated 22nd March, 2023 hapoh ka jingialam jong u Pongseng R. Marak kum u Chairman bad 13 ngutkiwei pat ki dkhot kum ki Co-Chairmen bad Vice-Chairmen ka la pynlong ia ka jingialang ba nyngkong mynta ka sngi Thohdieng ha Main Secretariat.

Ka Committee ha u kyrwoh lyngba u I.W.Ingty, IAS, Member Secretary SLPGC, ka sorkar Meghalaya la ong ba ka la iakren ia shibun ki mat kiba iadei bad ki jingeh kiba ki paidbah ki iakynduh bad hadien ka jingiatai sani bha ka la rai ba ka SLPGC kan thoh sha ka sorkar ban ai shuh ka jingkitkhlieh bad ka bor ia ka Committee khnang ba ka SLPGC kan long ka iktiar kaba lah ban iarap ia ka sorkar ha kaba iadei bad ki jingeh jong ki paidbah.

La rai ruh ba ka SLPGC kan shim ki lad ki lynti ban pyntikna ba ki paidbah ki tip ia ka jingdon ka Committee bad ki jingtreikam jong ka. Ka SLPGC ka la rai ruh ban pynthymmai ia ka portal jong ka bad ban kynthup khambun ki jingshakri na ka bynta ban iarap ia ki jingeh jong ki paidbah.

Kumjuh ruh ba ka SLPGC kan thoh sha ka sorkar ban pynkhlain shuh shuh ia ka Committee da kaba shim nongtrei shuh na kiwei pat ki tnat treikam jong ka sorkar.Ba ka SLPGC na ka por sha ka por lyngba ka jingpeit pyrman jong ka kan pyntikna ia ka jingpyndep biang por ia ki jingtreikam jong ka sorkar khnang ba ka sorkar ka la ban pynthikna ia ka jingshakri biang por ia ki paidbah.

Ka SLPGClyngba ka jingtreikam bha jong ka kan long ka iktiar jong ka  sorkar ban pyndep ia ki kam kiba iadei bad ki jingeh jong ki paidbah.