Ha kawei ka shatri iasoh ki synjuk ban kyntiew iaka football Jaiñtia

Syllad | The Rising MeghalayaFebruary 9, 2019

JOWAI: Ban kyntiew ïaka kam ïalehkai football ha Rilum Jaiñtia, ki synjuk ïalehkai football na East bad West Jaiñtia kila wan ha kawei ka shatri bad la thaw ïaka synjuk thymmai kaba tip kum ka  All Jaintia Football Federation (AJFF).

Ïa kane ka synjuk la thaw haka 9 tarik Rymphang da ki san tylli ki synjuk ïalehkai ba kynthup ïaka West Jaiñtia District Sports Association (WJDSA), Laskein Block Sports Association (LBSA), Amlarem Sports Association (ASA), East Jaiñtia District Football Association (EJDFA) bad ka Saipung Block Sports Association (SBSA).

Ka jingthmu bala thaw ïa kane ka synjuk ka long ban kyntiew ïaka kam ïalehkai bad ban pynlong ïaki Champions League ka Jaiñtia Hills, kumjuh ban ïashimbynta ha ki jingïakhun shabar ka jylla haka kyrteng ka AJFF.

U Ma EMH Passah (WJDSA) ula shah jied kum u President ka AJFF, Vice President James Sutnga (EJDFA), General Secretary Patrick Lamare(WJDSA), Asstt General Secretary Dapmon Tariang(ASA), Joint Secretary Rimi Chadap(SBSA), Treasurer Victor Suja(SBSA).

Ki Executive Member ki kynthup ïa u Lammat-oo Laloo (WJDSA), Rancha Lyngdoh (LBSA), Portanri Pakyntein(ASA), Wilbert Nongtdu (EJDFA), Coming Tlang(EJDFA), Mardi Passah (WJDSA), Khroobok Passah DSO (EJDFA), Jimi Bareh (SBSA) bad u Jamesris Wan (SBSA).