Ha Khliehriat ka jingialang paidbah ka synjuk waheh shnong ri Jaintia, wer ia baroh ki waheh shnong

Syllad | The Rising MeghalayaDecember 6, 2021

Ka Synjuk Waheh Shnong Ri Jaintia (SWCRJ) ka la pynbna paidbah ba haka 11 tarik une u bnai kan pynlong ïaka jingïalang paidbah ne Annual General Meeting ha Community Hall ka Khliehriat West, East Jaiñtia Hills District haka por 10:00 baje mynstep.

Kumta ka synjuk ka la kyrpad ïa baroh ki waheh shnong bad ki Life Member na Ri-lum Jaiñtia (East bad West Jaiñtia Hills) ban wan ha katei ka tarik.

U President ka synjuk u Arminius Lypon ula ïathuh ba ka jingthmu ban pynlong ïaka jingïalang ka long ban ïakren halor ki kam pynroi bad kiwei kiwei ki kam kiba ïadei bad ka bha ka miat ki shnong ki thaw bad ka imlang sahlang.

Ha katei ka jingïalang yn pynsngew ruh ïaka kaiphod (report) treikam ba la dep pyndep da ka synjuk jong u snem 2019-2020. Ki project ne ki skhim ban wanrah sha ki dorbar shnong shnong kum ki surok, umbam umdih, ki skul ki kolej bad kiwei kiwei. Ki kam kiba ïadei bad ka rep ka riang ka ïoh ka kot jong ki paidbah nongshong shnong.