Ha ki lai tylli ki jaka yn niew ia ki vote na ka bynta ki 29 constituency ka JHADC

Syllad | The Rising MeghalayaFebruary 22, 2025

Ka jingthep vote sha ki 29 tylli Constituency jong ka Jaintia Hills Autonomous District Council (JHADC) ka la iaid beit iaid ryntih khlem kano kano ka jingpynthut lait noh ha ki artylli polling station ha East Jaintia Hills District kata ka Wapungskur bad ka Bataw kaba la don ka jingkulmar kaba jur haduh ba saw tylli ki EVMs ki la shah pynpait pynpra ha ki riew runar.

Ka tnad District Council Affairs (DCA) ka hukum ban pynlong biang iaka jingthep vote haka 22 tarik Rymphang.

Katba ka jingniew iaki na ka bynta ki 29 tylli constituency kin long ha ka 24 tarik Rymphang ha ki lai tylli ki jaka ha Ri Lum Jaintia. 

Katkum ka notification bala pynmih da ka tnat District Council Affairs jong ka Meghalaya, ka jingniew vote jong ki lai tylli ki Constituency hapoh Amlarem Sub Division, kata ka War East, ka War Central bad ka War West kan long ha ka ophis treikam jong u SDO (Civil), Amlarem.

Katba ka jingniew vote jong ki 16 tylli Constituency kiba hap ha ka jingkhmih jong ka DC’s Ophis Jowai, ki kynthup iaka Amwi Khliehtyrshi, Mukhla Ummulong bad Moodymmai Nongkhroh kan long ha ka Hall No. 1 bad ka kamra no. 104 bad ka jingniew vote jong ka Nartiang Wahiajer, ka Modop Umladang bad ka Mynsngat Khanduli kan long ha Hall no. 6 bad ka kamra no.200.

Shuh shuh ka jingniew vote jong ka Mynso Nongjngi, ka Raliang bad ka Shangpung kan long ha Hall no 4 bad kamra no. 139 bad ka jingniew vote jong ka Barato Mukroh, ka Shiliang Myntang kan long ha ka hall No. 2 bad ka Room No. 116 katba ia ka Saphai Sahsniang bad ka Mowkaiaw kan long ha ka Hall No. 5 bad ka kamra no. 157 nalor kata ka jingniew vote jong ka Nangbah Mihmyntdu, ka Jowai North bad ka Jowai South kan long ha ka Hall no. 3 bad ka kamra 129.

Katba ka jingniew jong ki shiphew tylli ki Constituency hapoh East Jaintia Hills District kin long ha DC ophis Khliehriat kata Muthlong Sohkymphor bad ka Rymbai Khliehriat kan long ha ka Hall No. 1, ka Tuber Wapungshnong bad ka Musniang Rangad ha ka Hall no. 2, ka Sutnga Narwan bad Sumer ha Hall no. 3, ka Sutnga Nongkhlieh bad Saipung Nongkhlieh ha Hall no. 4, ka Narpuh bad Bataw Lakadong ha Hall no. 5.