Ha ki MLA VPP pynsngew ka Kiang Nangbah Govt College Students’ Union iaki jingeh ka kolej

Syllad | The Rising MeghalayaAugust 28, 2023

Kalong ka sngi kaba khraw ha kaba ha ka juh ka prokram, yn wan ban sakhi da lai ngut ki MLA ka liang pyrshah iaka jingpynkup burom iaki samla kiba la pyndep iaka jingpule ne ka Graduation Ceremony jong kla Kiang Nangbah Government College.

Ia kane ka Graduation Ceremony jong u snem 2023 la pynlong haka 24 tarik Nailar da ka Kiang Nangbah Government College Students’ Union, haka jinglamkhmat u Precioustar Sten President ryngkat bad kiwei ki dkhot bad nongkitkam ka union.

U kongsan uba wan sakhi bad pynkup burom ia kine ki samla u dei u presdent ka Voice of the People Party (VPP) bad MLA ka Nongkrem u bah Ardent Miller Basaiawmoit haka jingiadonlang MLA North Shillong Bah Adelbert Nongrum bad MLA Mawlai Brightstarwell Marbaniang kum ki symbud kongsan.

La iadonlang ha kane ka graduation ceremony da ki nongshah khot sngewbha, ki ba ha iing ki samla bala pyndep iaka degree, Heads of Departments (HODs), nonghikai bad ki nongtrei ka Kinag Nangbah Government College

U kongsan ula aiti iaki syrnod kiba la pynbit pynbiang da ka union sha ki samla ba wan sha khmat ne Merit Awards bad ka All-Round Performance Awards sha ki 13 departments. Ha kane ka sngi u kongsan bad symbud kongsan kila pyllait paidbah iaka College Magazine.

U Precioustar Sten haba kren pdiang ula khublei iaki samla kiba shah pynkup burom bad ula ong ba kane ka jingpynkup burom kim dei ban ianujor bad kiwei ki college namar ba kane ka jingleh jong ki ka dei ka jingsdang bad ha ki sngi ki snem ban wan kin lah ban pynheh bad pynphuh pynphieng ia kane ka prokram.

Ula iathuh ruh iaki jingeh ka kolej bad ki samla pule, kynthup iaki jingtei bad ka jingsuki ka jingthep kam assistant lecturers hadien ka jingshongthait ki lecturers. Ula kynti iaki lai ngut ki MLA ka liang pyrshah ban rah ia kane ka jingeh kane ka kolej kaba rim tam bad kadei tang maka ka kolej sorkar namar ba naka por sha ka por la pynsngew sha ka sorkar, hynrei la shu leh kuman iaki jingdawa ka union.

U Ma Sawot Laloo, Head of the Political Science Department ula kren na nakaliang ka kolej, katba ki kongsan bad symbud kongsan kila ai jingkren ai mynsiem iaki samla pule ban trei shitom ban jop haka jingim pule bad ai khublei ruh ia kiba la shah pynkup burom.

La pynkut iaka prokram da ka jingai khublei na u samla Wansalan Lyngdoh, Secretary of Sports & Games KNGCSU, bud ka jingot cake bad ia dihsha sngewbha bad ka jam session.