Ha Ladthadlaboh pynrung kyrteng iaki nongbylla haka e-Shram, wer u DC EJH iaki nongbylla ban register

Syllad | The Rising MeghalayaNovember 28, 2021

Ka ophis District Labour, West Jaintia Hills District kan pynlong iaka jingpynrung iaki nongbylla sngi kiba trei kum ki ASHA, Anganwadi, MGNREGA, Nongtrei Misteri, kiba shong trei ha ki iing briew, ki Nongrep, kiba treikam lajong, kiba die madan, kiba die dukan, ki nongkhwai, kiba ri jingri bad kiwei pat ki bym biang ka kamai kajih.

Kane ka jingpynrung kyrteng kan long ha Ladthadlaboh Indoor Hall haka sngi Nyngkong (29/11/2021) bad ka ban sdang naduh ka por 11 AM.

Nakaliang ka oohis Labour kala wer ia baroh ki nongtrei bylla ban shimkabu ia kane ka skim bad ban wan pyrung ialade khnang ban ioh iaki jingiarap naka sorkar haba jia kino kino ki aksident. Kane ka lada jingiarap kadei ka insurance kaba T.2 lak haba jia ka jingjia aksiden lane dkoh naka jingaksiden bad 1 lakh tyngka lada mynsaw bad dkoh shiteng.

Lah ban register ha Common Service Centre (CSC)/ Rainbow Centre kiba don hapoh shnong ne hajan shnong da kaba leit haka website www.eshram.gov.in lane da kaba leit sha ki Common Service Centre (CSC)/ Rainbow Centre kiba don hapoh shnong ne hajan shnong.

Ka  jingdonkam ia kiba pynrung kyrteng ha ka E-Shram portal ki long kumne:-

Dei ban don hapdeng 16- 59 snem ka rta, dei ban don ka Aadhaar Card, dei ban don u mobile number ba link bad ka Aadhaar, dei ban don ka Bank Account ba trei kam bad ym dei ban long U/Ka dkhot jong ka EPFO, ESIC lane NPS.

Shuh Shuh na kaliang u incharge Deputy Commissioner bad Chairperson, District Level Implementation Committee, East Jaintia Hills District, Khliehriat u la pynbna paidbah ba ka e-Shram Portal ka dei ka portal ba la pynmih da ka tnad Labour & Employment jong ka Sorkar India ha ka 26^th August 2021 bad ka jingthmu kalong ban kyrshan iaki nongbylla haba jia kino kino ki aksident.

Ula wer iaki nongbylla ban register ha kane ka portal khnang ba kin ioh jingmyntoio hadien habud.