Ha u tyllai phasi pynkut u samla pule ka USTM ia la ka jingim

Syllad | The Rising MeghalayaJuly 31, 2024

Uwei u khynnah pule Class XII jong ka skul bah University of Science and Technology (USTM), Ri Bhoi District u la pynkut noh ïa la ka jong ka jingim ha u tyllai phasi ha ka kamra sah jong u ha ka miet 30 tarik Naitung.

Haba kren sha ki lad pathai khubor na ka liang u Dr. Pallab Kalita uwei na ki nonghikai jong katei ka skul, u la ïathuh ba kane ka jingjia ka la jia ha ka por kumba 9 ne 9:30 ei ei mynmiet.

U la ong ruh ba ia ka kamra la khang napoh bad mar mar  ki la pyntip sha Khanapara Police Station kiba la  wanpoi sha kane ka jaka bad shimti noh ia ka met bad pynkynriah noh shapoh Civil Hospital, Nongpoh ban leh ïa ka postmortem.

Nalor kata u la iathuh ruh ba ha ka por mynsngi kim i don satia kano kano ka dak suba ne ipher ha utei u samla kat haduh ba un leh ïa katei ka kam, ha kaba ki dang iohi ruh ia u ha ka por janmiet katba u dang mih shabar ban ïalehkai bad ïa kaei kaba jia ha ka por mynmiet bad na kaei ka daw kaba la pynlong ïa un shim ia kane ka sienjam na ka liang ka jong ki kim don jingtip eiei.

Halor kane ka jingjia ka jingtohkit ki pulit ka dang iaid shakhmat.