Hadien 15 snem ïoh ïing dorbar ba pura ka shnong Moolang na ka skim jong ki 3 MLA bad uwei u MDC

Syllad | The Rising MeghalayaMarch 23, 2022

Hadien 15 snem, ka Dorbar Shnong Moolang, East Jaintia Hills District kala ioh ïaka ïing dorbar kaba pura bad ia kane ka ïing plie paidbah da u MLA Khliehriat uba long ruh u Myntri Sorkar Jylla u Kyrmen Shylla haka sngi Thohdieng, ka taiew kaba la dep.

Ia kane ka ïing la tei haka jinglut T.19 lak kaba ioh na ka MLA skim bad MDC skim.

La sdang ban tei ïa kane ka ïing naduh u snem 2007-08 hadien ba la ioh iaka synniang na u MLA ka Rymbai kaba mynta ka Khliehriat Constituency u ma Nehlang Lyngdoh T.2 lak na MLA skim SRWP, ha u snem 20014-15 na u Ma Justine Dkhar T.2 lak naka MLA skim SRWP, ha u snem 2015-16 na u ma Phasmon Dkhar, MDC JHADC T.10 lak naka SAG Skim bad 2019-20 na u Ma Kyrmen Shylla MLA skim SRWP T.5 lak.

Ha kane ka jingplie paidbah ia kane ka ïing nalor u Kyrmen Shylla uba long kum u kongsan la iadonlang u Phasmon Dkhar kum u symbud kongsan, u Waheh Shnong Moolang u ma Kwen Shylla nalor kiwei kiwei ki riew rangbah jong ka shnong.

U Ma Phasmon nalor katei ka T.10 lak naka SAG skim ula synniang sha T.3 lak ban shna iaka painkhana skul jong ka Evermore Secondary School.