Haduh 1 lak ml ioh kurup kyiad ki pulit ha ki sngi lehniam puja na EKH

Syllad | The Rising MeghalayaOctober 25, 2023

Ki bor pulit ka East Khasi Hills ki la ioh ban kurup haduh kumba 1 lak ml ka kyiad phareng ha ka por ba la pynlong ia ka jingkhynra ha ki sngi lehniam puja kaba dang shu dep.

Na ka liang u Superintendent of Police (City), EKHD, Shillong u pyntip ha ka sngi Balang ba ki bor pulit ka EKHD ki la pynlong ia kiba bun tylli ki jingkhynra bad jingiaid pahara ban khmih na ka bynta ka shongsuk shongshngain jong ki riew paidbah bad ban khanglad na kino kino ki jingjia kiba lah ban mih ha ka por jong ka jingleh niam.

Ha kane ka jingkhynra ba la pynlong ha ki thain Paltan Bazar, Stand Jeep, Mawblei, Khlieh Iew, Basa doh, Iew Mawlong, Urkaliar, Iew Laitumkhrah, Mawbah, Jhalupra bad Iew Polo ki pulit ki la ioh ban kurup haduh 102,910 mil ka kyiad phareng bad 260 litar ka kyiad pyrsi nalor 15,100 mil ka beer.