Haduh 17 seat jop ka VPP ha KHADC, ka NPP 13 seat ha JHADC

Syllad | The Rising MeghalayaFebruary 25, 2025

Ka Voice of the People Party (VPP) ka la jop haduh 17 seat ha kane ka elekshon sha ka Khasi Hills Autonomous District Council (KHADC) ba la pynbna haka 24 tarik Rymphang da kaba ioh haduh 17 seat na ki 29 tylli ki constituency.

Kumjuh ka National People’s Party (NPP) ruh ka la jop haduh 13 seat na na ki 29 tylli ki constituency jong ka Jaintia Hills Autonomous District Council (JHADC).   

Ka United Democratic Party (UDP), kaba dei ka paralok synrop ha ka sorkar MDA bad kaba don 12 ngut ki MLA ka la kylla long ka party kaba ar ban jop bun ha KHADC, kata 5 seat bud sa ka NPP da 4 seat, 2 ki kyrtong khlem seng bad 1 na ka Hill State People’s Democratic Party (HSPDP).

Lai tylli ki party sain pyrthei ki bym shym la jop iwei ruh ha kane ka elekshon na KHADC ki kynthup ia ka Congress, Bharatiya Janata Party (BJP) bad ka Khun Hynniewtrep National Awakening Movement (KHNAM).

Ha JHADC, ka VPP ka la kylla long ka party kaba wan ba ar ha ka jingjop bun eh da kaba jop 8 seat bund sa ka Congress 3, UDP 3 bad 2 ki kyrtong khlem seng, katba ka BJP bad ka HSPDP kim shym la jop iwei ruh.

Ka VPP kaba la jop bun tam ha KHADC ka la sakhi ia ki kyrtong jong ka kiba la lah ban pynliem noh ia ki arngut ki Chief Executive Member (CEM) barim bd Chairman barim jong ka Council.

U kyrtong ka VPP na  Mawphlang-Diengiei u Bah Lancaster Marbaniang u la pynliem noh ia u Chairman ka KHADC bad u MDC ba saw samoi kynthih ka party NPP u Bah Lamphrang Blah.

U kyrtong ka VPP na Nongthymmai u Winston Tony Lyngdoh u la pynliem noh ia u CEM ka KHADC u Bah Pyniaid Sing Syiem (NPP), kyrtong ka VPP na Mawkhar-Pynthorumkhrah u Bah Strong P Kharjana u la pynliem noh ia u CEM barim ka KHADC u Bah Pynshngain N Syiem.

Ka VPP ka la lah ruh ban leh bha ha ki constituency jong ki sawngut ki MLA ha kaba u kyrtong jong ka na Mawlai u Bah Eddieson Kharumnuid, u Bill C Wankhar na  Sohryngkham, u Kitbor Syiem na Nongkrem bad u Denzil R Chen na Jaiaw.

Kiwei pat ki kyrtong ka VPP kiba la ioh ia ka jingjop na KHADC ki kynthup ia ka Kong Aibandaplin L Nonglait na Mylliem,u Dr Juristman Iawphniaw – Nongstoin, u Kynjohlang Rangtong – Mawhati, Banrikus Nongsteng – Umsning,  Isynei Hinge – Umroi, Seiborlang Warbah – Mawkynrew, Shemborlang Rynjah – Langkyrdem-Laitkroh, Deity Majaw – Laitumkhrah-Malki, Powell Sohkhlet – Pariong – Mawthadraishan  bad u Pynkhrawboklin Kharjahrin – Mawkyrwat.

Ki 5 ngut ki kyrtong ka UDP kiba la ioh ia ka jingjop ki kynthup ia u CEM barim ka KHADC bad Nongialam liang pyrshah u Bah Titosstarwell Chyne na Sohra, ki arngut ki MLA u Bah Synshar Kupar R Thabah – Nongspung-Sohiong bad u Bah Pius Marwein – Langrin, Bah Barikupar Synrem – Shella bad u Bah Equator Nongrang naMairang-Nongkhlaw.

Katba ki 4 ngut ki kyrtong ka NPP kiba la ioh ia ka jingjop ki kynthup ia u Bah Sosthenes Sohtun – Jirang, Kong Rona Khymdeit – Nongpoh, Grace Mary Kharpuri – Nongshken bad u Bah Alvin K Sawkmie naMawsynram.

Ki arngut ki kyrtong khlem seng kiba ioh ia ka jingjop ki kynthup ia u Bah Lurshai Kharbani – Rymbrai-Jyrngam bad u Bah Ricky Shullai na Laban-Mawprem bad u kyrtong ka HSPDP – Bah Srally Rashir na Mawshynrut.

Na Rilum Jaintia haduh san ngut ki CEM barim ki la shah jied biang sha ka JHADC.

Kine ki kynthup ia u CEM ka JHADC ba mynta u Ma Thombor Shiwat na Moodop Umladang, u Hambertus Nongtdu, Madonbai Rymbai, Andrew Shullai bad u Bah Moonlight Pariat.

Ki 13 ngut ki MDC ka NPP ki kynthup ia u Het Pohthmi – War West, Jesse Suiam – Moodymmai-Nongkroh, Reformingson Lamare – Nartiang-Wahiajer, Thombor Shiwat – Moodop-Umladang, Pheinshwa Nanglein – Mynsngat-Khanduli, Aiborlang Shadap – Barato-Mukroh, Wormandship Shadap – Mowkaiaw, Bisonroy Iano – Raliang, Mihnyngkong Sutnga – Shangpung, Seiborlang Shadap – Sutnga-Narwan, NPP Hambertus Nongtdu – Sutnga-Nongkhlieh, Krison Langstang – Sumer bad u Sankey Shangpung – Bataw-Lakadong.

Ki 8 ngut ki MDC ka VPP ki kynthup ia u  Jamshaphrang Pohtam – War Central, Nehimaia Lamare – Mukhla Ummulong,  LAiawanlamjinghun Khynriam – Mynso-Nongjngi, Daeimi Liam – Shilliang Myntang, Gresentus Susngi – Nangbah-Mihmyntdu,  Awhai Andrew Shullai – Jowai North, Soki Lapasam – Muthlong-Sohkymphor bad  Deivipaya T Tongper – Narpuh.

Katba ki 3 ngut ki MDC ka UDP ki kynthup ia u Lasky Rymbai – Tuber-Wapungshnong, Wailadameshwa Siangshai – Musniang-Rangad bad u Wonly L Chyrmang – War East, bad ki laingut ki MDC ka Congress MDC ki kynthup ia u Madonbai Rymbai – Amwi Khliehtyrshi, Rikut Parein – Saphai-Sahsniang bad u Lalwilliama Theite – Saipung-Nongkhlieh.

Ki 2 ngut ki kyrtong khlem seng kiba la ioh ia ka jingjop ki kynthup ia u Bah Moonlight Pariat – Jowai South bad ka Kong Violet Lyngdoh – Rymbai-Khliehriat.