Haduh 258 run jop ka Phramer iaka NEAU haka District Cricket League ka WJHDCA

Syllad | The Rising MeghalayaApril 24, 2024

Ka Phramer Cricket Club kala jop kput haduh 258 run pyrshah iaka Northeast Adventist University Cricket Club (NEAUCC) haka District Cricket League kaba pynïaid da ka West Jaintia Hills District Cricket Association (WJHDCA) kaba long ha madan Khliehtyrshi mini stadium haka 23 tarik Ïaiong.

Ka Phramer Cricket Club kaba la jop iaka toss kala tied shuwa bad buh iaka thong kaba 303 run bad kala liem 6 wicket na ka 35 over.

U Nan ula kylla long u nam tam haduh ba ula ialehkai bha haka bat bad ka bol kaba la biang pura ia u ban khur iaka nam Man of the Match. Ula khyrwit haduh 80 run naka 55 bol bad khur 3 wicket naka ar over. Nalor u Nan, u Sauni Nongtdu ula kamai 90 run

Ka NEAU haba beh iaka thong kala liem lut baroh 10 wicket uwei hadien uwei tang hapoh 11.5 over bad kamai tang 44 run.

U Waizer CH Sangma dei tang ma u naka NEUA CC uba la ioh ar dak ha ka jingkamai run kata 16 run naki 22 bol.

Kiwei kiba la ioh khur wicket na ka Phramer dei u Monjurlang Suchiang 3 wicket naka 7 over, na ka NEAU u Rikku T Sangma ula khur 3 wicket naka 7 over.