Haduh 300 tylli ki CCTV yn pyndait ha sor Shillong; ha u Naitung yn plie ka sorkar ia ka ICCC
Ka sorkar jylla ka la pynkhreh ban pyndait haduh 300 tylli ki CCTV camera kiba paka ha baroh ki jaka kongsan ha ka nongbah Shillong kumjuh ia ka software kaba lah ban ithuh shai kdar ia ki durkhmat jong ki briew.
Ia kane la pynpaw da u Myntri Rangbah ka Jylla u Conrad K Sangma haba kren sha ki lad pathai khubor haka 3 tarik Jymmang, kata ha ka por ba ka nongbah Shillong ka la sakhi ia ki jingjia shah kawang petrol bom ha ki riew runar ki bym lah ban ithuh.
![](https://www.syllad.com/wp-content/uploads/2024/09/JIT-Vacancy-823x1024.avif)
U CM u la ong ruh ba na ka liang ka sorkar ka la dep ban mang T.150 klur hapoh jong ka Smart City Project bad ruh ban pyntreikam ia ka Integrated Control and Command Centre (ICCC) nalor ka jingwanrah ia ka IT Park ia kaba la khmih lynti ba yn lah ban plie noh ha u bnai Naitung u ban wan.
“Ka jingpyntrei ka la iaid shakhmat ha ki dong ki lad bapher bapher bad ba phi lah ban iohi ia ki camera khlainbor ba la pyndait. Kin don haduh kumba 300 tylli kine ki camera ha baroh ki bynta jong ka sor Shillong bad kine iarap shibun lyngba ka jingpyntreikam lang ia ka software ban ithuh shai ia ki durkhmat jong ki briew kumjuh bad ka ICCC bad IT park ba la buh ia kaba ngi la khmih lynti ba yn lah ban plie noh ha u bnai Naitung u ban wan,” ong u Conrad.
Haba kylli, une u Myntri u la ong, “Ngim lah ban ong ba kin ioh ban ring lut ia baroh hynrei kawei kaba thikna ka long ba kan long ka tiar tehlakam kaba klain haba kine ki camera ki la don ha kylleng ki jaka, kata ia kaba ngin sa nang pynbun shuh shuh hadien habud.Nalor kata kan long ruh ka atiar kaba khlainbor namar ki briew ki tip ba ki la shah peit thuh.
Shuh shuh u Conrad u la ong ruh, “Ngi kular ba kane hi kan iarap shibun ban pynduna ia kiba kum kine ki jingjia kam thombor bad kiwei pat ki kam bymman hadien habud, bad kan iarap ruh ia ka sorkar khamtam ia ki bor pulit ba kin ioh ban lum ia ki sakhi satar halor kino kino ki jingjia.”
Featured Image by OpenClipart-Vectors from Pixabay
Leave a Reply