Haduh 5-8 klur la don kiba thong pisa ia nga ban sangeh iakhun elekshon MLA: Nehemayah

Syllad | The Rising MeghalayaJanuary 6, 2023

U Kyrtong jong ka Congress na Mowkaiaw ula kam ba haduh 5-8 klur tyngka la don kiba thong pisa ia u ban sangeh ban iakhun iaka elekshon MLA na Mowkaiaw Constituency.

Une u kyrtong ula iathuh ia kane haka jingialang paidbah kaba long ha Iooksi kaba la wan shimbynta da ki 13 tylli ki shnong na ka thain Iooksi Saphai haka sngi Palei.

Ula ong ba kam thong pisa bad tyrwa pisa iaki kyrtong kam dei shu kaba thymmai bad ban sngew phylla. Ula ong ba um kwah iaka spah ka phew bad u angnud ban shakri ia u paidbah nongshong shnong kiba don hapdeng ka jingeh ha kiba bun ki liang.

U Nehemayah ula ong ba lada u wan haka jingjop un ïarap ïaki longïing kiba duna ka ïoh ka kot bad kiba don hapdeng ka jingduna haki dkhot met bad ban wanrah ka roi ka par hapoh ka Constituency.

Ula kyntu iaki nongkyrshan jong u ban kim dei ban shah phon shah pynbiej ha kiwei ba ka Congress ka la jah bad duh jait hapoh ka Jylla Meghalaya bad kiba ong ba ka Congress kala jah ki dei ki briew kiba pyrkhat tang ialade shimet.

Ha kane ka jingialang la iadonlang u working president ka MPCC u bah PN Syiem, u Rikut Parien President Block Congress Committee, ki nongialam bad ki nongkyrshan u Nehemayah na ki 13 tylli ki shnong.