Haduh 6241 ngut kiba la shah test hapoh ka Talent Identification Program ha Jylla
Ka Talent Identification Program (TID-3) kaba lai ba la pynbna da u Myntri Rangbah ka Jylla u Conrad K Sangma bad u Bah Shakliar Warjri, Myntri ka Tnad Sports ha ka 14 tarik u Lber 2024 mynta ka la nang iaid shaid shaid ha baroh ki khadar tylli ki districts ka Jylla.
Ka TID phase-3 ba la kyrshan da ka Tnad Sports and Youth Affairs ka Sorkar Meghalaya bad ba la pyntyllun da ka Meghalaya State Olympic Association ban test ia ki shiphew hajar ngut ki samla kiba don ka sap ialehkai naduh ka rta kaba 6 haduh 15 snem ka la iaid shaphrang hapoh ka jingkhmih jong u Ian Campbell, Director, Global Head, Sportality, Australia/India.
Kane ka kynhun testing team kaba la khmih bad pyniaid da ki nongiakhun Olympic ha ka jingiatreilang bad ka the MSOA bad Sportality kaba la ialam da u Bah Dipshon Ryntathiang, Chairman, MSOA Podium Finish Committee, bad u Bah John F Kharshiing, Working President, MSOA ka la sdang ha ka 21 tarik u Risaw na Shillong, East Khasi Hills District bad ka la bteng sha Khliehriat, East Jaintia Hills District, Jowai, West Jaintia Hills District, Nongstoin, West Khasi Hills District, Mairang, Eastern West Khasi Hills, Bhoirymbong & Nongpoh, Ri Bhoi District, bad la hiar sa sha Rilum Garo ha ka 4 tarik u Naiwieng 2024 ha Tura bad la bteng sa sha Trikikila, West Garo Hills District, bad ha ka 6 tarik u Naiwieng ha Ampati, South West Garo Hills District.
Na Ka shiphew hajar ngut kiba shah test 2589 ngut ki khynnah bad samla ialehkai dei na ki football grassroot center katba kumba 3652 ngut ki khynnah samla dei na ki skul bapher bapher, bad baroh lang ka long 6241 ngut kiba la shah test haduh ka 9 tarik u Naiwieng da kaba pyndonkam ia ki kor ki bor jingstad jong kane ka juk kaba mynta.
La test haduh kumba 350 haduh 400 ngut ha ka shi sngi ha ki Districts bapher bapher. Ka kane ka talent identification program ka dei na ka bynta ki jingialehkai sports baroh bad ka long lehse ka sien kaba nyngkong ha ri India ba ka jylla Meghalaya kan pynlong ia kum kane ka rukom wad ia ki sap ki phong kiba kyrpang.
Ka kynhun testing na ka MSOA ha kane ka kynti ki la nang lap shuh shuh ki khynnah bad samla kiba don ia ki sap kyrpang ban kilan met ha ki districts bapher bapher ka jylla Meghalaya ha kaba ki 15 bad 16 snem ki khynnah shynrang na Ampati, South West Garo Hills ki la mareh 5.7secs, 6.02secs ha ka test Compass Drill kaba long kham sted ban ia ka international benchmark kaba 8.00secs ia ki shynrang bad kiba la mareh (sprint) 20Meters hapoh 3.06secs bad 2.85 secs katba ka international benchmark ka long 3.00secs na ka bynta ki shynrang. Kumjuh la shem bun ki sap kyrpang jong ki samla kiba ia ryngkat bad ki sap ki jingthew international bench ha kiba bun ki districts jong ka jylla Meghalaya.
La ban pynpaw hangne ba ki khadwei ngut ki khynnah samla na ka TID phase -1 bad Elite Pathway Program (EPP)-1 kiba don mynta hapoh ka program Super Elite pathway program (SEPP-1) ki la pynpaw ia la ki sap ki phong ha ki jingialehkai bapher bapher bad ki dang iai bteng ki jingshah hikai hapoh ka jingkhmih ki expert bad ki Olympians.
Namar ki eksam jong ki skul kiban sa long shen kumta ka MSOA ka la pynsangeh shwa ia ka talent identification program phase -3 sha Rilum Garo bad kan sdang biang ha u taiew ba nyngkong jong u bnai Nohprah u ban wan.
Facebook
Instagram
Youtube
Twitter
Leave a Reply