Haduh ha iing ka dor tyndong shet jingshet kalong T.1091.48 ha Jowai

Syllad | The Rising MeghalayaJuly 3, 2022

Ka synjuk waheh chnong Jowai kala pynbna paidbah ba ka tyndong shet jingshet (LPG) ka poi haduh ha iing haka dor T.1091.48.

Ia kane ka dor la ai da ki agency ne ki nongsam tyndong lyer jingshet kiba don ha Jowai, ka Ripnar bad ka Rymbai Gas Agency.

U secretary synjuk waheh chnong Jowai Riquoma Rq Laloo, ula iathuh ba kila wan iakynduh iaki nongpyniaid jong baroh ar tylli ki agency bad na kaliang supply ruh kala pynthikna iaka dor.

Kane ka dor ka kynthup iaka ka dor LPG T.1020, bai kit T.19.50, GST 5% (CGST- Rs 25.988 bad SGST-Rs 25.988). Haba kheinlang kala kot T.1091.48.

Ula ong ruh ba ki agency kila pynpaw iaki jingeh ki jong ki ha kaba iadei bad ki iing kiba jngai bad kaia dor kit yn hap ban ia pynbeit hapdeng ki trai iing bad u nongrah tyndong lyer ne gas.

Ha kaba iadei pat bad ka dor bai kali ki taksi kamai na kaliang ka synjuk kala dep phah shithi sha ka synjuk West Jaintia Hills Taxi Owners & Driver’s Association (WJHTODA), hynrei ki dang ap iaka jubab n aka synjuk ki taksi kamai ha Jowai.