Haduh palat 5.2 lak ki longiing ha ki shnong kyndong ki la ioh kor um iing lyngba ka JJM

Syllad | The Rising MeghalayaMarch 1, 2025

Haduh palat 5.2 tylli ki Longiing ha ki shnong kyndong kila ioh ia ka kor um iing lyngba ka Jal Jeevan Misson (JJM).

 “Tang hapoh kine ki khyndiat snem, ka Meghalaya ka la kiew shibun. Na ka 0.72% ka jingpoi kor um iing ha u 2019, ka sorkar jylla ka la lah ban pynoi ia ki kor um iing sha ki longiing kaba la kot shaduh ka 81% kat haduh u Kyllalyngkot 2025,” ong u Lat ka Jylla u CH Vijayashankar haba ai jingkren ha ka Dorbar Mang tyngka ha ka 28 tarik Rymphang.

“Nalor kata haduh 4,024 tylli ki shnong ki la ioh ia ki kor um iing kaba kot haduh 100% kaba la pynlong ruh ia ki kum ki shnong ba la tip kum ki ‘Har Ghar Jal’ villages,” u la ong.

Ha ki jaka kaba ki tyllong um ki la tyrkhong namar ka jingkylla ka suinbneng, u Lat u la ong, “Ka sorkar ka la shim ia ki sienjam ban pynkhie im biang ia ki abd ban shna ia ki jaka pynlang um.

Katkum ka jingpynpaw ka jong u, u la ong ba ka thong ba kongsan eh jong ka JJM ka long ban pynthikna ba ki nongshong shnong kin ioh ia ka umbam umdih kaba khuid.

Nalor kata u la ong ba ka buh mynta ia ki water quality testing laboratory ba la ithuh da ka NABL ha man la ki district bad ki sub divison khnang ban pynthikna halor ka jingsam ia ka umbam umdih kaba khuid.

Shuh shuh na ka liang ka Sorkar kala pyntrei ruh ia bun tylli ki skhim sam um kiba heh kiba kynthup ha Shillong, New Shillong, Williamnagar, Nongstoin, Ampati bad Tura.