Haduh T.404 klur ioh ka Jylla na ka NESIDS ban pyntrei ia 7 tylli ki project surok

Syllad | The Rising MeghalayaAugust 30, 2024

U Symbud Myntri Rangbah ka Jylla uba khmih ia ka Tnad PWD (Roads) u Bah Prestone Tynsong haka 30 tarik Nailar, u la pyntip ba ba haduh T.404.35 klur la ioh ia ka jingmynjur ban pyntrei ia ki 7 tylli ki project surok hapoh jong ka North East Special Infrastructure Development Scheme (Roads) ha kine ki san snem ba la dep, kata naduh u 2019 haduh 2024.

Na kane, baroh ka song pisa ba la dep pyllait da ka Sorkar Pdeng ka long T. 276.88 klur, ong u Bah Prestone haba jubab ia ka jingkylli ba la wanrah hapoh ka Iingdorbar Thawain.

U la pyntip ruh ba ka por ba la buh ban pyntrei ia kine ki project ka long 24 bnai naduh ka sngi ba la ioh ia ka Work Order.

Nalor kata u la pyntip ruh ba ia kane ka project yn pyntrei da ka Tnad PWD (Roads).