Haduh u Nailar yn pyndep ia ka jingkieng Umiam, khang iaid kali mynta ka miet

Syllad | The Rising MeghalayaJune 6, 2024

U Myntri ka Tnat Bording u AT Mondal haka 6 tarik Jylliew, u la pyntip ba ka jingshna pynbha ia ka Dam Umiam bad ka jingpynkhlain ia ka jingkieng dam la buh ban pyndep ha ka taiew kaba nyngkong jong u bnai Nailar u ban wan.

Haba kren sha ki lad pathai khubor, u Mondal u la ong, “Ka jingpyntrei ia ka kam ka la iaid shaid shaid bad Nga sngew skhem ba yn lah ban pyndep noh ha u bnai Naitung lane ha ka taiew ba nyngkong jong u Nailar.”

Nalor kata u la pyntip ruh ba ia ki kali yn shah ban iaid lyngba ka jingkieng ha ka rukom kaba khongwain ne zigzag. “Ngi la khmih ruh ban ailad ia ki kali ba kin iaid ha ka rukom iaid kaba khongwain khnang ba ngin lah ban trei kham bha na ka bynta ban pyndep ia ka kam,” u la ong.

Ha kaba iadei bad ka leit ka wan jong ki kali u Myntri u la ong ba kam don kano kano ka jingeh ha kaba iadei bad kane ka bynta. Nalor kata u la ong ruh ba ka jingpyntrei ia kane ka dam bad ka jingkieng ka dei ka kam ba iashong bishar man la ka taiew.

Ha kajuh ka por na ka liang u of Superintendent of Police ka East Khasi Hills, ula pyntip ba kan don ka jingkhang iaid kali mynta ka miet 6 tarik Jylliew naduh ka por 11 baje mynmiet haduh 1 baje mynstep na kane ka jingkieng Umiam.

Ha kajuh ka por la kyntu iia ki nongniah kali ba kin pyndonkam da kiwei pat ki surok.