Haka pung um shong klas ki khynnah skul ka Govt LP School Iooksi Iapkhla

Syllad | The Rising MeghalayaMay 17, 2022

Ka Govt LP School Iooksi Iapkhla, ka skul kaba la rim tam haka thain Iooksi, West Jaintia HIlls District kaba la kynjoh iaka jingshakri sha ka 102 snem kala jot rathai bad kane kala buh jingeh iaki khynnah bad nonghikai ban shong klas namar ba ka tnum kala jot bad ki kamra klas kila kylla long pung um.

Ka Khasi Students’ Union Iooksi Unit kala jurip ia kane ka skul hynnin ka Sngi U Blei bad kala sakhi iaka jingjot bad shah iehshrah kane ka iing skul haka sorkar.

Ha kane ka jingjurip la ialam da Sainia Sutnga president ka KSU Iooksi Unit, Kamjuh Tangliang general secretary ka KSU Iooksi Unit ha ryngkat ka jingdonlang u Head Teacher ka Iooksi Iapkhla Government LP School u Ma D Nongrum.

Pule | Lap ka KSU iaka jingpei um ka skul Ummat Lakadong Govt LP, phah jurip ka tnad pule

Na ka liang u Head Teacher Katei ka skul ula ong ba Katei ka skul kadei ka skul kaba la rim bha bad ka la kynjoh palat 102 snem ka rta, Hynrei ka jingbymshimkhia ka sorkar ban tei pynbha ia katei ka iingskul ka la buh jingeh iaki khynnah skul bad iaki nonghikai ban pynlong skul haki por slap.

“Ngi la dep ujor sha ki bor ba dei peit ia kane ka jingjot kane ka iingskul, hynrei kam pat poi shano shano ruh ” la ong u ma Nongrum.

U Ma Nongrum ula kren bynñiaw “Ngi isynei iaki khynnah skul ba ki hap ban shongskul wat hapdeng ki um slap namar tang shu jaw slap malu mala kane ka iingskul ka la dap daka um baroh kawei”.

Ka KSU Iooksi Unit hadien kane ka jingwan jurip ia kane ka skul shen kan leit ban iakynduh iaki bor badei peit ban dawa ban maramot ia kane ka skul ban myntoi ki khynnah skul.