Haka sngi ba ar yn sdang ka District Level Subroto Mukherjee Cup ha West Jaintia Hills

Syllad | The Rising MeghalayaJune 18, 2023

Ka lympung ïalehkai football jong ki khynnah skul ka District Level Inter School Subroto Cup Football Tournament kaba pynïaid da ka ophis u District Sports Officer (DSO), West Jaintia Hills District kan sdang haka 20 tarik ha ki ar tylli ki madan, kata ha Kiang Nangbah Stadium bad madan ialehkai ka Kiang Nangbah Govt. College.

Katkum ka prokram ialehkai ka jingiakhun kan sdang naduh ka por baje 8 mynstep haduh 3:30 baje nohphaisngi.

Ha kane ka kynti ki don haduh 54 tylli ki skul kiba iashimbynta. Na kine 28 tylli ki skul ki dei haka kyrdan Under-17 Boys bad 26 tylli ki skul haka kyrdan Under-14 Boys.

Ka jingiakhun ban sdang nyngkong ia kane ka lympung ka dei da ka jingiakhun hapdeng ka Ladthadlaboh SS pyrshah iaka Ialong Sec School haka por 8 baje mynstep ha Kiang Nangbah Stadium.