Haka taiew ba nyngkong u bnai Jylliew ka District Level Subroto Mukherjee Cup ha Jowai, la pyllait iaki entry form

Syllad | The Rising MeghalayaApril 28, 2025

Ka ophis u District Sports Officer (DSO), West Jaintia Hills District kala pynbna ba kan pynlong iaka District Level Inter School Subroto Mukherjee Cup Football Tournament, 2025 haka taiew kaba nyngkong jong u bnai Jylliew (June) ha madan Kiang Nangbah Stadium, Jowai.

Kane ka lympung ialehkai kan dei na ka bynta ki khynnah kynthei bad shynrang ba la bynta haka kyrdan Under-15 bad Under-17.

Iaki entry form lah ban ïoh naka ophis DSO ha ka por ba long trei.

Kino kino ki skul kiba kwah ban iashim bynta kin pynpoi iaka kyrteng jong ki player ryngkat ki kot ba donkam kum ka Passport Size Photographs, Aadhaar Card, Birth Certificate bala ïoh na ka Municipal Board/CHC/PHC ha shwa ka 9 tarik Jymmang, 2025, yn ym pdiang ïa kiba poi hadien jong katei ka tarik.

Ka jingialang jong baroh ki skul kiba iashim bynta kan long haka 9 tarik Jymmang haka por 1.00 baje nohphai sngi ha Kiang Nangbah Indoor Stadium, Jowai.

20 (Arphew) ngut ki nongialehkai na ka bynta kawei pa kawei ka kyrdan yn shah ban peit bniah ne Screening. Ki kot pynshisha kum ka Original Birth Certificate bad Aadhaar dei ban rah da ki nongialehkai ha ka sngi Screening.

Ka Aadhaar card bad syrnot sngi kha ka long kaba donkam, yn nym shah ia ki nongialehkai ban screening khlem ka Original Aadhaar bad Birth Certificate.

Ka jingot snen na ka bynta ka Under-15 (Boys) kin dei kiba kha hashwa lane hadien ka 01 January, 2011. Under-17 Boys bad Girls kin dei kiba kha hashwa lane hadien ka 01 January, 2009.

Ia ki jingtip kiba kham bniah lah ban phone ha kine ki No: +91 9612942208.