Halor ka jinglong jingman ha Jylla Meghalaya kan khambha ban ym kynthoh; ong u CM Assam

Syllad | The Rising MeghalayaAugust 1, 2024

Hadien ka jingjia shah khang ki kali Assam ha Umtyngngar haka seng HNYF haka 26 tarik Naitung; nakaliang u Myntri Rangbah ka Jylla Assam, u Himanta Biswa Sarma ula ong ba ka kan kham bha ba un ym kren kynthoh eiei namar ba kalah ban wanrah ia ka jingeh iaki nong Assam kiba iaid lyngba ka Jylla Meghalaya.

Ula ong ia kane haka 31 tarik Naitung kaba ula pynmih haka rynsan X- kaba tip mynshuwa ka twitter. Ula ong ba ula dep iakren bad u Myntri Rangbah Conrad K Sangma halor kane ka jingjia kaba na kaliang ka sorkar kala ialeh ban tem iaka jinglong jingman.

Ula bynrap “Ha ki katto katne ki khep ban ia kaba kynthoh kan khambha ka jingsngap jar namar ba ki nong Assam ki iaid lyngba ka Jylla Meghalaya, kumta lada ngi kynthoh palat kan wanrah shuh shuh iaka jingsngewthuh bakla bad ka jinglong jingman kan kham sniew shuh shuh.”

“Ngan hap ban long uba husiar, Nga ngam dei u nongtrei kam bhalang, Nga ngam dei u seng ki samla pule, Nga dei u Chief Minister jong ka Assam, kumta ngam dei ban kynthoh haba ym donkam bad nga dei ban kynthoh haba donkam, hynrei Nga trei da ka lynti kaba jar jar ban pynjem iaka jingeh,” ong u Myntri Rangbah ka Assam.