Hap shong kham pajih ki MDC JHADC haka Dorbar Mang Tyngka ka ban long shen

Syllad | The Rising MeghalayaApril 12, 2020

Ka Jaintia Hills Autonomous District Council (JHADC) kan pynlong iaka dorbar mang tyngka jong ka haka Sngi Balang (15 Iaiong 2020).

Kane ka dorbar mang tyngka jong ka konsil kadei kaba la pynkynriah tarik naka 26 tarik u Lber hadien ba ka sorkar pdeng bad ka sorkar jylla kala pynbna iaka lockdown ne ka jingkhang khyrdep naka bynta ban iakhun pyrshah iaka khlam COVID-19 kaba la saphriang sha ka ri.

Ka JHADC hadien ba kala pyndam ïa kane ka dorbar kala pan jingbit biang ban pynlong ia kane ka dorbar mang tyngka naduh 3 tarik une u bnai bad kala ioh ka jingmynjur ban pynlong ïa kane ka dorbar mang tyngka khnang ba kan lah ban pyniaid shakhmat iaki kam ka konsil.

Ïa kane ka dorbar yn pyniaid da u Deputy Chairman ka konsil u ma Ailad Bhoi.

La iathuh ba la buh kyndon ban pynlong ia kane ka dorbar ha kaba ki dkhot jong ka konsil kin hap ban pynthikna ban don ka ‘Social Distancing’ ne ban shong ban ieng kham pajih katkum ka jingbthah jong ka tnad ka koit ka khiah ban iada naka jingpur u khniang coronavirus.

Shuh shuh ha kawei pat ka khubor u CEM JHADC u ma Thombor Shiwat ula ong ba u Lat ka Jylla ula ai ka jingmynjur ban pdiang iaka thup kyrteng jong ki EM thymmai ka konsil.

Kine ki EM thymmai ki kynthup ïa u Finelyness Bareh, u Eveningstar Teron bad u Brightstar Chyrmang, katba ki ar ngut pat kila shah knieh noh iaka kam EM ki dei u ma Robinus Syngkon bad u Ma Het Pohthmi.

Nalor ka kam EM ïaka shuki Chairman kaba dang thylli ruh konsil pat lah ban pynlong elekshon jied Chairman ha kane ka por ba ka ri ka dang don haka saw ka sain naka jingiakhun pyrshah iaka khlam COVID-19