Hapdeng ka jingsumar khlad noh u nongialam ka FKJGP ba hap ka tnat dieng

Syllad | The Rising MeghalayaAugust 4, 2023

U general secretary jong ka seng FKJGP, Lama Unit u samla Haniel Syrti 24 snem rta ula khlad noh mynta ka sngi 4 tarik hapdeng ka jingsumar hapoh Woodland WK Hospital Sabah Muswang, West Jaintia Hills District.

Une u samla u la ngat ha ka jingshah sumar hadien ka jingmynsaw jur na ka jinghap jong ka tnat dieng na ki bynta jong ka khlieh kaba la jia ha ka shnong Lama naduh ka 3 tarik u bnai Iaiong ba la dep.

Halor kane ka jingjia ka seng ka la pynpaw ka jingsngewsih bad pynpaw ruh ba ka dei ka jingduh kaba khraw ym tang ia ka iing ka sem, ka Shnong ka thaw hynrei ia ka seng hi baroh kawei namar u long u briew u jynsur mynsiem bad uba don mynsaw ban shakri ia ka ri bad ka jaidbynriew.

Ka seng ha u kyrwoh lyngba u Ma DH Sumer General Secretary FKJGP EJHD, ka phah ruh ka khubor sngewlem sha kiba ha iing ha sem, sha ki lok ki jor baroh kiba don jingiadei bad une u samla.

Yn pyndep ia ka jingleit ontep ïa une u samla ha  6 tarik mynta u bnai ha u lum jingtep ka Balang Presbyterian Lama.