Hashen khlad ka khynnah 7 snem ba shah iuh haka trok

Syllad | The Rising MeghalayaMarch 26, 2019

KHLIEHRIAT: Kawei ka khynnah kaba dang 7 snem ka rta kala duh ei ïaka jingim jong ka hadien ba kala shah iuh haka trok kit umphniang (tanker) haka shnong Apha, Umkiang East Jaiñtia Hills District.

Kane ka jingjia kala jia haka por 12:30 PM hynne ka sngi ha katei shnong kaba don harud surok bah Jowai Badarpur Road (NH-6). La kynnoh ba kane ka trok tanker kaba don u registration number ASO1 FC 9424 kala her sted bad kala iuh ïa katei ka khynnah bad kala khlad hashen.

Ki pulit ka Umkiang kila register iaka case bad kynnoh ba kane ka jingjia ka jia na ka daw ba niah kali thurmur u nongniah kane ka tanker. Ki Pulit kila bat iaka kali bad u nongniah marsien jia kane ka jingjia ula phet na katei ka jaka.

Kane ka khynnah dei kaba la tip kyrteng kum ka (L) Jesica Paslein ka khun jong I kong  Dapmon Paslein.