Hato ka jingthang ñiut ka buit pynkhuid kaba suk eh ha Jowai?

Syllad | The Rising MeghalayaMarch 12, 2023

Ki pulit pynlip ding ki la hap ban leit her bran bran ban pynlip ia ka ding shwa ba kan pur sha ka ophis treikam jong ka sorkar kmie ha Nongbah Jowai ha ka miet Sngi U Blei.

Kane ka ding kaba la klang jur kala sdang na ki niut kiba la lum thup ha lynti ban leit sha  Thomas Jones Synod College.

Ka niut kaba la lumthup ha kane ka surok kadei kaba ki kali kamai Shillong Jowai ki pynlong stand ne ka jaka ap passenger. Ha syndah kane ka surok kaba la kylla long ka jaka bret niut ka don ka Post Office bad ka ophis BSNL bad ka ding ka la pur sted shaduh shajan kynroh ka Post Office.

Ka jingwan poi kloi noh ka kali pynlip ding la lah ban tem ne pynlip noh ia katei ka ding.

Ka jingkylli ka long hato ka jingthang iaki ñiut ka dei ka buit pynkhuid kaba suk eh iaki ñiut ha sor Jowai.