Hiar jurip u MLA Jowai iaka jingkieng doi doi ba jot rathai ha Wah Myntang

Syllad | The Rising MeghalayaJanuary 30, 2021

U MLA jong ka Jowai u ma Wailadmiki Shylla haka sngi Saitjain ula hiar jurip iaka jingkieng doi doi ha Wah Myntang kaba la jot rathai ha ka shnong Mukhla.

Ha kane ka jingjurip iaka jingkieng doi doi la iadonlang ki sahep jong ka tnad Soil and Water Conservation, ki nongialam jong ka Dorbar Shnong Mukhla Nongrim bad kiwei kiwei.

Kane ka jingkieng ka don ha Wah Myntang ha Nawplem, kaba ki nongrep ki kam shilliang iaka wah na kane ka jingkieng ban leit rep leit riang.

Kane ka jiangkieng kadei kaba la shna naduh u snem 2012, hynrei mynta kala jot bad ka donkam iaka jingmaramot ba kyrkieh, kaba u MLA Jowai ula shimkhia ban iakren bad ki sahep ka tnad Soil ban maramot noh ia kane ka jingkieng.

Ha kane ka juh ka sngi la jurip ruh u transformer ban sam bording haka shnong Mukhla Nongrim uba la shu ieh la bun bun snem khlem jingker uba buh jingma iaki nongiaid nongieng khamtam ki khynnah bad ki mrad mreng. Na kaliang ka MeECL kala Kular ban pyndep ban ker ia une u transformer hapoh shitaiew.