Hiar ka CEW sha Langtor ban buddien halor ka jingiap ka longkmie bad i khun ha ka pung um

Syllad | The Rising MeghalayaApril 16, 2025

Ka Committee on Empowerment of Women (CEW) ka iingdorbar thaw ain ka Jylla hapoh ka jingialam jong ka Kong Santay Mary Shylla MLA kum ka Chairperson ha ka 15 tarik Iaiong ka la pynlong ka jingleit jurip sha ka shnong Langtor, Eastern West Khasi Hills District ban buddien halor ka jinglap ia ka metiap jong kawei ka longkmie bad i khun ba dang ar bnai hapoh kawei ka pung um.

Kane ka jingleit ka long ruh shibynta ban pynpaw ia ka jingiadon ryngkat lang bad ka jingsngewlem na ka bynta ka iing ka sem jong kane ka longkmie kaba kyrteng ka kong Darisha Lyngdoh kaba la khlad noh ha ryngkat i khun rit jong ka.

Lah ban kdew ba kane ka jingjia ba sngewsih ka la wan jia hadien ba la lapdien ia ka metiap jong kane ka longkmie bad ine i khunrit jong ka napoh kawei ka pung ha ka shnong Kynshi, Langtor ha ka 2 tarik u Lber ba la dep. Kine ki shikmie shikhun ki la jah rngai naduh ka 1 tarik Lber 2025.

Shibynta jong kane ka jingleit jurip, ka Chairperson ha ryngkat ki dkhot ka Committee ki la leit jurip ruh sha ka jaka ba la jia katei ka jingjia ba sngewsih ha kaba la pynlong ruh ia ka jingsngap jar kaba ar minit kum ka dak ka jingleh burom ia kine ki lanot.

Hadien kane ka kynhun ka la hiar sha Mairang Police Station ha kaba ki la pynlong ka jingiakren bad u Additional Superintendent of Police, u Bah Pyrkhatlang Suchiang lem bad u Officer-in-Charge ban bishar halor ka jingiaid ka jingtohkit kaba iadei bad kane ka jingjia.

Ki dkhot ka Committee kiba la ia don lang ha kane ka sngi ki kynthup ia ki MLA, Bah Matthew Beyondstar Kurbah, Bah Adelbert Nongrum, Bah Brightstarwell Marbaniang, Deputy Commissioner ka Eastern West Khasi Hills Kong Anita Kharpor nalor kiwei kiwei.