Hiar ka Indian Red Cross ban iarap ha ki bun tylli ki shnong & iing ri khynnah ban iakhun Coronavirus

Syllad | The Rising MeghalayaApril 27, 2020

Ka Indian Red Cross Society (IRCS), Jowai, West Jaintia Hills District hapoh ka jingialam u Chairman bad Secretary Indian Red Cross, Jowai, West Jaiñtia Hills ba kynthup ia u Ma W Lyngdoh bad u Ma O Laloo bad kiwei ki Life Member Indian Red Cross kila hiar ha ki bun tylli ki shnong bad ki jaka sah ki khynnah ban kner laka kti jingiarap ban iakhun ika khlam COVID-19.

Ki Life Members jong IRCS,Jowai Branch, ban pynshai iaki paidbah halor ki lad jingiada kala hiar sha ki 16 shnong ha kane ka district haka 24 bad 25 tarik une u bnai ban batai iaki lad jingiada ban nym pynphriang ia kane ka khlam COVID-19, kaba iabit na uwei sha uwei da kaba synriah, jyrhoh bad ba pajut kti ba tngit.

Ka IRCS kala kyntu iaki paidbah ba kin bteng ban kyrshan bad iatreilang bad ka sorkar da kaba bud ryntih iaki jingbthah ka tnad ka koit ka khiah naduh ban kiar haki jaka bun briew bad ban bud iaki jinghikai ban jyrhoh, synriah bad long kiba lehkhuid ban sait iaki kti daka um ka sabon bad ki sanitizer.

Ka IRCS kla sam ruh iaki mask ha kine ki shnong kynthup naduh Jowai, Nongbah, Ialong, Ummulong, Larnai, Shkenpyrsit, Ammutong, Amsarin, Amlarem, Sohmynting, Trangblang, Pdengshakap, Pamtbuh, Amjalong, Muktapur bad Sankhat.

Ka IRCS kala sam khaw bad kiwei kiwei ki jingbam ha Children Home ka KJPSM Wahiajer, Children Home World Mission, Moodop bad ha Orphanage Home jong ka NEIMA Sahsniang haka 2 tarik bad 3 tarik une u bnai.