Hiar ka KSU sha ki shnong khappud India Bangladesh ha East Jaintia Hills ban tem iaka jingphrung tuh

Syllad | The Rising MeghalayaAugust 18, 2024

Ka Khasi Students’ Union (KSU) East Jaintia Hills District Unit kala hiar sha ki shnong khappud India Bangladesh kiba kynthup iaka Lejri, Lahalein, Huroi bad Hingaria haka 17 tarik Nailar.

Ka KSU kala ong ba kane ka jingleit jurip jong ia kine ki shnong kiba don ha khappud, ka long na ka bynta ban ai mynsiem bad ruh ban kyntu iaki nongialam shnong ban husiar iaka jingphrung tuh ki nong Bangladesh, kaba ka jinglong jingman ha kane ka ri kaba marjan ka dang klumar.

Ka KSU kala lum jingialang bad nongialam shnong ha Huroi ha kaba la wan shim bynta da baroh ki saw tylli ki shnong kiba mih khmat da ki waheh shnong bad secretary shnong bad ki lai tylli ki shnat treikam ka seng naduh ka KSU Lejri Unit, KSU Huroi Unit bad ka KSU Hingaria Unit.

Ha kane ka jingialang ki nongialam ka KSU East Jaintia Hills kba kynthup ia u KS Suchiang bad kiwei kiwei kila ban jur ban peitngor ban iada na ka jingwan phrung tuh ki nong Bangladesh.

Ki nongialam shnong kila pynpaw ba kam don ka jingphrung tuh, hynrei ki jynjar haka khaii ka pateng bym biang ki lynti ki syngkieng.

Ka seng ka la ioh ruh na ka jingpynsgew na ka KSU Hingaria Unit ba ha ka thain bad shnong Hingaria ki BSF kim shym la shong ha border hynrei sha pdeng surok kaba jngai kumba 3 ne 4 kilometres bad la pynpaw ruh ka jingeh ba na kine ki thain ki shait kham ioh rung bha ki khar bangla ha ki por ba la leit bad la kynnoh ba ki ju don ki kynhun kiba long dalal ban pynrung iaki khar bangla daka ia kren sngewthuh lyngba ki sbai rupa.

Ka KSU ha kane ka sngi ka la leit ban jngoh ruh iaki BOP Huroi bad Lailong bad ruh la ioh ban ia mir jingmut bad ki heh ka BSF ba don ha kitei ki BOP shwa ban jurip sha Border Fencing. Na kaliang u shipai BSF kila kam ba kila pyrkhing bha iaka jingpahara ha khappud bad kam don satia ka jingrung tuh ki nong Bangladesh

Ka KSU kala pynpaw ba kan hiar jurip  ia kiwei pat ki shnong khappud kum ka Kuliang, Donaskur, Dona Umbluh Ampyrdit namar ki kham laitlan kine ki shnong na ka jingphrung tuh ki khar bangla ban rung ban mih lyngba ki Dalal.