Hiar ka Mobile Legal Aid Clinic ha kylleng ki shnong ban iakhun iaka khlam Corona
Ka Mobile Legal Aid Clinic (MLAC) kaba la thaw dansghen da ka West Jaiñtia District Executive Force (WJHDEF) bad ka District Legal Aid Service Authority, Jowai kila hiar sha kylleng ki shnong nongkyndong ha West Jaiñtia Hills District haka sngi Saitjaiñ ban pynshai paidbah halor kumno ban iakhun pyrshah iaka khlam corona virus.
Hynnin ka sngi kane ka kynhun jong ka Mobile Legal Aid Clinic, kaba la thaw kyrpang ban ïakhun pyrshah ïa u khlam coronavirus kala hiar sha ka shnong Saba, Mukroh, Muktapur, Jong u Shen, Syndai Kmaishnong, Amlari Rim, Amlari Model, Trangblang Mission, Satpator, Lumpyngngad, Amsku, Kyrweng, Twah u Sdiah bad Hawaii Sutnga.
Kiwei pat ki shnong ki dei ka Chyrmang Wah bad Chyrmang Nein, Mustem, Iongnoh, Muphlang bad Moosakhia.
Ha baroh kine ki shnong ba ai jinghikai la iadonlang ki VDP bad ki nongialam shnong nalor ka kynhun Pulit, ki dkhot ka DLSA, bad ki Para Legal Volunteer, Health Supervisors bad kiwei kiwei.
La hikai ïaki paidbah nongshong shnong ban bud ryntih iaki jingbthah ka sorkar, kata ban kiar na ki jaka paidbah ban shong ha iing bad ban long kiba lehkhuid khnang ban lah ban ïada na u khniang Coronavirus.
La iakren ruh halor ka jingeh kaba iakynduh ki nongshong shnong halor ka jingduna ki mar bam ha kylleng ki thain nongkyndong nalor kiwei kiwei ki jingeh khnang ban weng iaka jingeh ki nongshong shnong haka jingïakhun ia une u COVID-19.
Facebook
Instagram
Youtube
Twitter
Leave a Reply