Hiar thma u paid Karbi iaki dkhot ka UHM ha khappud Assam Meghalaya, mynsaw 5 ngut

Syllad | The Rising MeghalayaApril 23, 2021

Ki nongialam bad dkhot ka United Hynniewtrep Movement (UHM) kiba la hiar sha shnong Saba kaba don haka shnong Mukroh, West Jaintia Hills District ban jurip iaka police out post kaba la tei ka Assam kila shah hiar thma bad shah shoh pynmynsaw haki briew kiba suba jur ba ki dei naka jaidbynriew Karbi.

Ha kane ka jingshah shoh ha u paidbah Karbi naka thain Umkhyrmi bad kiwei haduh 5 ngut ki dkhot ka UHM kila mynsaw jur. La kynnoh ba kine ki dkhot ka UHM kila shah bom shah shoh ha ki Karbi kiba la rah iaki wait ki dieng bad kiwei kiwei ki tiar pynmynsaw.

Kane ktem pulit kadei kaba la tei daka sorkar Assam, bad ka bor synshar district West Jaintia Hills District dangshen kala leit pynsangeh iaka jingtei ka sorkar Assam ia kane ka ktem pulit haka 21 tarik une u bnai.

Haduh bala thoh iaka khubor ym pat lah ban iathuh iaki kyrteng kiba mynsaw bad 5 ngut la pynkit ha Barato PHC ban shah sumar.

Halor kane ka jingjia ki Pulit jong ka Nartiang Police Station kila hiar sha katei ka shnong ban tohkit iaka jingjia.