Hiar u MDC Mynsngat Khanduli sha Hamren ban iakren pynneh suk saiñ ha khappud Assam Meghalaya

Syllad | The Rising MeghalayaNovember 3, 2021

U MDC ka Mynsngat Khanduli Dawan Lyngdoh ula hiar sha Hamren ban iakynduh ia u MLA ka Baithalangso, West Karbi Anglong u Rupsing Teron ban iakren ban pynneh iaka shongsuk shongsaiñ ha khappud haka sngi Balang.

Baroh ar ngut kine ki nongmihkhmat ki don iaki shnong kiba hap hapoh ka thain jong ki ba hap ha khappud hadpeng ka Assam bad Meghalaya bad ki don ruh ki jaka kiba iakhajia.

U Dawan Lyngdoh ha kane ka jingiakynduh ula kyntu ia u MLA ka Baithalangso ban pynneh iaka shongsuk shongsain ha khappud khamtam ha Block I. La iakren ban ap iaka rai ka jingiapynbeit pud ki ar jylla ban lait na kino kino ki jingjia kiba lah ban wanrah iaka jingiakynad kumba jia haka thain Khanduli Lapangap.

Kine ki ar ngut ki nongmihkhmat paidbah kila rai ban iatreilang ryngkat ryngkat ban wanrah iaka shongsuk shongsain ha khappud West Jaintia Hills, Meghalaya bad West Karbi Anglong, Assam.