Hikai ka Ladmukhla LP & UP School iaki khynnah ban kilan

Syllad | The Rising MeghalayaApril 14, 2022

Ka Ladmukhla LP & UP skul ka la pynlong ïaka taïew lehkmen ki khynnah skul ne Annual School Week kaba la sdang naduh ka 5 tarik haduh ka 12 tarik une u bnai. Ha kane ka taiew lehkmen ki khynnah skul kila shimbynta shitrhem ha baroh ki jingialehkai bad ki nonghikai kila pynsngewthuh iaki khynnah iaka jingkongsan ban kilan ban ioh iaka met kaba koit kaba khiah katkum ka prokram Fit India Movement.

Ha kane taïew lehkmen la pynlong ïa kiba bun jait ki jingïalehkai kum ka biscuit race, water filling, spoon race, musical chair, mathematics race, knocking the bell, sack race, cock fight,100m, 200m, relay race 4×1, 6×1, long jump, high jump, football, quiz, spell wizard, group dance.

Ka jingthmu jong kane ka School Week ka long ban pynïoh haki khynnah ka met kaba koit ba khiah bad ban kyntiew ïaka sap ka phong jong ki haki jingïalehkai bapher bapher bad ban pynsngewthuh ïaki khynnah shaphang ka Fit India Movement bad ban kylla haka rukom leh ne ka behaviour change haka jingim kaba man ka sngi ban shim bynta haki jingialehkai tynrai bad kiwei kiwei ki jait ialehkai.

Hadien ka jingïalehkai ka la don ka jingïalang sam khusnam ba la pynïaid da u Assistant Headmaster u Kyllimot Lhuid bad la ïoh ki kyntien sneng kyntu kynpham na u Headmaster Eskhemborlang Bang uba la kyntu ïaki khynnah ban long kiba minit haki jingpule puthi bad ban long ki khynnah kiba don akor haka ktien ka thylliej