Hikai shna sboh ka SURE da ka buit thymmai

Syllad | The Rising MeghalayaAugust 27, 2020

Kum shi bynta ban sdang iaka projek ‘No One Shall Be Left Behind Initiative’ ka Society for Urban and Rural Empowerment (SURE), Jowai ha ryngkat ka jingїareilang jong ka North East Slow Food and Agrobiodiversity Society, Shillong (NESFAS) kala pynlong їaka jingai jinghikai ban shna sboh haka shnong Nongkhroh.

Ka jingai jinghikai kaba shisngi la pynlong haka 26 tarik u August 2020 ha kaba ki samla bad longkmie kila wan ban їashim bynta ban їoh kane ka jinghikai.

Їa kane ka jinghikai la ai ai da u Habandajop Lyngdoh uba long u nongtrei jong ka SURE uba la pyntbit їa kane ka kam.  Kawei na ki rukom shna sboh khlem da pyndonkam kaba kynja phniang (chemical) ka dei їaka sboh ‘Bokashi’. Ha kane ka sngi la ai jinghikai їa ki nongrep ka rukom kumno ban shna sboh Bokashi  kaba long ka sboh kaba thymmai bad kaba kham suk ban shna.

Nalor kata ka sboh Bokashi ka їapher na kiwei pat ki jait sboh namar baka їarap pyniap ruh ban pynїap їaki pylleng khniang. Ka LAB (lactic acid bactaria) bad ka IMO (indigenous micro organism) kiba la pyndonkam ha kaban shna їa kane ka sboh ka їarap ban pynїap їaka pylleng khniang kiba pynjulor їa ki jingthung.

Kane ka sboh thymmai ka shimpor ruh tang 14 (khatsaw) sngi ban їoh їaka sboh.

Ka Nongkhroh ka dei kawei na ki shnong kaba paw bha ha ka jingpynmih їa u sying, u sohsaw bad kiwei pat ki jhur kaaba hap hapoh Thadlaskeiñ C&RD Development Block bad kawei naka jingeh kaba hakhmat eh jong ki nongrep ka dei ka sboh.

Hadien baka sorkar kala khang ba ki nongrep kin pyndonkam daka sboh phniang, ki nongrep kila poi haka khim khait ban їoh sboh naka bynta ban pyndonkam haka rep ka riang jong ki.  15 (khatsan ngut) ngut, ki samla kynthai bad longkmie kila wan ban shim bynta ban їoh їa kane ka training. Ha kane ka jingai jinghika la їa don lang ruh ka Coriniki Slong field coordinator.