Syllad

Syllad

The Rising Meghalaya

  • Home
  • Meghalaya
  • North East
  • National
  • Global
  • Sports
  • Covid_19
  • Opinion
  • Advertisement
  • Contact
  • About
  • Hukum ka tnad Pulit ka Jylla ia baroh ki nong Pakistan ban mih noh na ka Jylla

    Syllad | The Rising MeghalayaApril 26, 2025

    WhatsApp
    Share
    Share
    Tweet
    Pin

    Ka Tnad Meghalaya Police haka 25 tarik Iaiong ka la pynmih ia ka hukum kaba bthah ia baroh ki nong Pakistan ba ki dei ban mih noh na kane ka Jylla jong ka Ri India ha lane shwa ka 27 tarik Iaiong.

    Ia kane ka jingbthah la pynmih da ki Superintendent of Police ka Ri-Bhoi District u VS Rathore bad Superintendent of Police ka East Khasi Hills, u Bah Vivek Syiem haba bud ryntih ia ka hukum ba la pynmih da ka Ministry of Home Affairs (MHA) ha ka 25 tarik Iaiong.

    Katkum kane ka hukum baroh ki nong Pakistan lait noh tang kito kiba don ia ka long term visa bad diplomatic lane official visa, la bthah ba kin mih noh na u pud u sam ka India.

    Ki la ong ruh ba kito ki nong Pakistan kiba wan da ka medical visa kin hap ban mih noh na ka Ri ha lane shwa ka 29 tarik Iaiong bad kito kiba wan da ka SAARC visa la bthah ba kin mih noh ha lane shwa ka 26 tarik Iaiong.

    Nalor kata la maham ba kito ki bym kohnguh ia katei ka hukum kin ngat ha ka jingshah pynshitom ba tyngeh katkum ka ain.

    La kyntu ruh ia kino kino kiba don jingtip ha kaba iadei bad ka jingdon jong ki nong Pakistan ki lah ban pyntip shapoh Police Control Room ha u phone nombor + 91 6009196479 / dial 112 lane sha ki Police Station, Outpost, Beat House kiba don hajan tam, ong u

    Google News Button syllad

    Syllad | The Rising Meghalaya

    Syllad is a fully digital news portal from Meghalaya. With tagline “Syllad-The Rising Meghalaya” Syllad brings voices of Meghalaya to the rest of the world.

    Leave a Reply Cancel reply

    Your email address will not be published. Required fields are marked *

    STAY CONNECTED

         Facebook

       Instagram

       Youtube

       Twitter

    SITE LINKS

    • About
    • Advertise with us
    • Hiring Freelance Writers
    • Contact us
    • Privacy Policy
    • Grievance Redressal
    • Refund policy
    • Terms and Conditions
    • Advertisement

    © 2019 Syllad

    Powered By AbodeOrigin | Marketing Wire
    Empanelled With Directorate of Information & Public Relations
    Government of Meghalaya