Hukum u DC East Jaintia ban plie dukan tang 5 sngi shi taiew

Syllad | The Rising MeghalayaSeptember 22, 2020

U Deputy Commissioner, East Jaintia Hills District Bah E Kharmalki ula pynmih da ka hukum ban plie dukan san sngi shi taiew ban pynsuk bad pynkylluid iaka por ki nongthied nongpet bad ki nongshong dukan bad ban suk ha kaban bud iaki kyndon bala bthah ka sorkar ban iada naka jingpur ka khlam COVID-19 hapoh ka district.

Katkum ka hukum kaba la pynmih haka sngi ba Ar, u Bah Kharmalki ula ong “Ban kham pynsuk bad kylluid iaka por ki nongleit siew leit tda bad ki nongshong dukan hapoh ka District, la pynmih
ia kane ka hukum ba ka por plie dukan bad khang dukan naduh ka sngi Nyngkong (Monday) haduh ka Sngi Thohdieng (Friday) kan long naduh ka por 8:00AM haduh 6:00 PM.”

“Haka sngi Saitjain (Saturday) bad sngi Robibar (Sunday) yn ym shah ban plie ia ki dukan hapoh ka District,” ong u DC.

Shuh shuh, baroh ki kyndon bala bthah da ka Sorkar ha kaba iadei bad ka Jingsait kti da ka um bad ka sabon ne sanitizer (Hand Hygiene), ka jingieng ia jngai iwei na iwei pat (Social distancing), Jingdeng ia ki jain tap khmut tap shyntur (Mask) dei ban bud bad ban bud ryntih da baroh.

Kane ka Hukum kan treikam shi syndon naduh bala pynmih iaka bad haduh ban da pynbna da kumwei pat.