Hukum u DC WJH ia ki nongniah taxi ba iabit ia ka jingpang khmat ban shongkhop ha la ïing 

Syllad | The Rising MeghalayaSeptember 26, 2023

U Deputy Commissioner ka West Jaintia Hills u la pynmih ia ka hukum kaba bthah ia baroh ki nongniah taxi kamai ba ki dei ban sangeh ban kamai lada jia ba ki iabit ne shah ktah ha ka jingpang khmat ba la tip kum ka Conjunctivitis.

Ka jingpynmih ia kane ka hukum ka la wan long ruh hadien ba ki bor pyniaid district ki la ioh jingtip ba ki don ki nongniah taxi kamai kiba bteng ban kamai wat hadien ba ki la iabit ia kane ka jingpang.

Kumta ruh khnang ban khanglad ia ka jingsaphriang jong kane ka jingpang kaba iabit sha ki nongshong kali bad sha ki paidbah, na ka liang une u heh ka district u la pynmih da kane ka hukum kaba khang pyrshah ia ki nongniah taxi kamai ba kin bteng ia ka jingkamai kali jong ki bad ba ki dei ban shongkhop ha la ki jong ki iing ki sem.