Hukum u District Magistrate ban khang baroh ki iew ha Jowai, kiew ka jingiabit khlam bad iap COVID-19

Syllad | The Rising MeghalayaAugust 2, 2021

U District Magistrate, West Jaintia Hills District Garod LSN Dykes haka sngi Nyngkong ula pynmih iaka hukum ban khang biang iaki iew ha Jowai hadien bala kiew ka jingiabit jingpang khlam COVID-19 kaba la kynjoh haduh 15 percent ka jingshah ktah jong ki nongshong shnong na une u jingpang khlam nalor ba kiew ka jingiap na ka khlam.

Katkum ka report ka tnad ka koit ka khiah, ki briew kiba dang shitom na ka jingpang khlam ki don haduh 659. Kiba iabit thymmai ki don 33 ngut bad ka iap hapoh ka district kala kot sha ka 101 ngut.

Kumta kum shibynta ban pyntreikam ïaka kyndon jingpynjari ne ka containment measures, u District Magistrate ula pynkylla iaka hukum kaba la pynmih ha u Naitung 31 tarik bad hukum ban khang iaka iew Iawmusiang, Iaw Chyiap (JPC Market), Iaw Chor (CNI Market), Iawthymme, Ladthadlaboh bad ka iew Seinraij naduh mynta ka shiteng synia 2 Nailar (August) tad haduh bala pynbna da kumwei.

Khlad sa 13 ngut, 350 iabit thymmai iaka jingpang khlam COVID-19

Ka hukum ka ong ba u Superintendent of Police West Jaintia Hills u dei ban pyntreikam ia kane ka hukum.