Hun ka Central Silk Board ïaka jingïaid beit ka jingthung soh lyngdkhur

Syllad | The Rising MeghalayaJanuary 27, 2019

JOWAI: Ki saiantis bad ki heh  sorkar na ka Central Silk Board ki la wan sha West Jaiñtia Hills District ha ka 23^rd bad 24^th Kyllalyngkot 2019 ban shim jingkhein bad ban peit ia ka jingiaidshakhmat  jong ka Mulberry Sericulture  Development Programme ha ka District ne ka jingthung dieng soh lyngdkur bad ka jingpynkha pylleng bad ri Niangrusom.

Ka Sorkar pdeng lyngba ka Ministry of Textiles hapoh ka North Eastern Region Textile Promotion Scheme (NERTPS) ka la mynjur ïa ka Intensive Bivoltine Sericulture Development Project (IBSDP) ban pynroi ia ka jingrep dieng bliat ne soh lyngdkhur bad ha Rilum  Jaiñtia ka sorkar kan pynlut T.24.48 Klur

Naduh u 2015-16 la sdang ban pyntreikam ïa akne ka skim bad la mang ban pynïoh myntoi sha ki 1000 ki nongioh myntoi (beneficiaries) haka jaka thung kaba 500 acres.

Katkum ka jingpruid dak jong ka sorkar India, ki nongioh myntoi kidei ki kynthei.

Kine ki heh sorkar ki la ioh ban ïa kren bad 5 tylli ki kynhun bad ki la pynpaw ia ka jingsngewhun ia jingpyntreikam  ïa kane ka scheme. Ki la ai jingmut ruh ia ki nongrep ban rep kham bun u soh lyngdkhur pynbud sa ka jingri ïa u niangrusom bad kumjuh ruh kiwei kiwei de ki jait jingrep.

Ka Director jong ka Sericulture jong ka jylla ka kyrshan ïa kane ka jingaijingmut jong kine ki heh sorkar. La iadonlang ruh ka District Sericulture Officer ha kane ka jingiakynduh.