Husiar!!! ban lait naka jingshah riam ong ka UDP

Syllad | The Rising MeghalayaOctober 23, 2020

Ka seng United Democratic Party (UDP) ha kaba nyngkong ka dap da ka jingsngewkhia halor ka jingmih ki jingkynnoh kiba khlem nongrim khamtam eh ban ïoh ban pule ïa ki jingthoh jong u Lat barim ka Jylla kiba long kum ki jingthoh kiba pynshit bad ruh kiba lah wanrah iaka jingiakynad hapdeng ngi ki trai ri trai muluk bad ki Bengali. 

Ka UDP lyngba kane ka kyrwoh ka pynrem jur ïa kito ki riew pynshit kiba thmu ban thaw jingkulmar bad ruh kiba pyrshang ban wanrah ia ka jingbym don ka shongsuk shongsaiñ.  

Kum ka seng ngi kyrpad rit ïa baroh ki paidbah nongshong shnong ka Jylla ba kin long kiba husiar bad ban nym ailad ba ngin ngat haka shrip jong ka riam buit tuh jong kine kiba pyrshang khtik ym tang ïaka mynsiem hynrei iaka jinglong kyrpang ka jong ngi.

Shuh shuh, ka seng ka kyrpad ïa ki paid riewngeit Hindu, ba kin sngewbha wan sha khmat bad pynpaw ïaka jingshisha bad kumjuh ïa ki seng treimon sngewbha, ba kin sngewbha ai lad ïaka sorkar ban tohkit bniah halor kine kiei kiei baroh bad ba ka Sorkar kan shim syndon ïaka sienjam kaba eh bha ban teh lakam ïa kum kine ki briew ba thaw wanrah jingkulmar.