Husiar ka iaid ka ieng na Rngain

Syllad | The Rising MeghalayaMay 29, 2024

U Additional Deputy Commissioner, I/C Pynursla Civil Sub Division, ula kyntu iaki paidbah ban husiar haba iaid ba ieng na ka surok Shillong Dawki na ka daw ka jingtwa khyndew ha Rngain.

Haka jingmana kaba ula pynmih ka ong, “Kane ka long ka jingmana paidbah ba na ka daw jong ka jingsniew ka suinbneng, ka surokNH40 Shillong-Dawki shiIynter ka Rngain ka lah ban nang iai twa. Namarkata, la bthah ia baroh ki nongiaid nongieng nakane ka surok ba ba kin kham husiar khamtam ha ka por miet. Kan khambha lada lah ban kiar naka ba iaid ha ka por ba jur slap bad por miet.”

Ki bor synshar ki iai peitngor halor ka jinglong jingman jong kane ka surok na ka bynta ka jingshngain uba bun balang.