I MAYA LOK

Soolangki LalooAugust 1, 2021

Yei maïa lok da bynta u Blai
Jiar jiar ia I heini ha pyrthai.
Nadooh ki khynnah hadooh ki waheh
Ïa waroh lang chynrang kynthai.

Hei maïa lok salonsar I jooh
Wym em waioh, wym em wadooh.
Wym em wakhroo, wym em wapoh
Ha khmat iongka samanlang waroh.

Nadooh dangkhian hadooh waheh
Hei maya lok chiboon u chem.
Yei sih I bha, kmen nae rkhai
Lyngba iongka u chem heini ha pyrthai.

I Maya lok em I boonjait
Em ki lok watoh, em ki lok walait.
Em ki lok wa danda, chutia wei boon ñia,
Em ki lok wa sakhiat, em ki lok waneh
Em ki lok watlot, em ki lok wa chkeh.

Em ki lok wym jooh pyrwa
Hawa biang wa ioh makna.
Em ki lok wym jooh sniawsih
Hawa biang I bam I dih.

Ki lok wa sakhiat ki lok wa maïa
Toh ki lok wa emlang hei sniawsih sniawbha.
Kiwa iachan iarap kylliang
Ki wymtad kti tad kjat cha timun tidiang.

Ki tae toh ki lok wa sakhiat, lok wa paka
Kiwa ianga, iaphi da bynta.
Ki wymkheiñ yei tymbuiñ duna
Lada u waioh nae u wadooh
Ha khmat iongki samanlang I jooh.

E Khublei kyrpang ha kani ka sngi iaphi waroh ki lok ki jor chynrang kynthai