I paan I doon

C. Pynsakhiat Yeini KyndiahJuly 7, 2020

Ka Behdieñkhlam toh I dur wow Sakhi ka pyrthai,
Ïei man kyrpang ka jait bru katkam wa e u Blai.
Da pyndep daleh ïa ka daki khon ka Niamtre,
Kiwa dang ksoh dang tbat Ïeiwa dep booh dep e.

Em ko ka nongrim kawa heh waïar,
Kat ka duriaw ka waheh I par.
Kawa beh naphang ïeiwa sih waroi,
U psiah klumar ha ka chnong ka thaw wymhoi.

I paan I doon ïynbar ïynthiang,
I jooh hawa pyndep I kñia I khriam.
Daka luti wakhooid duhai I pap,
Wymnood leh u paan dei mynsien arsap.

I ngooh I dem wa wyrchaw ïa ki kti,
Wow ïa chait lang ki khon ka Ri.
Han I wa pyndep waroh I wa e,
Wymhun I u chait du ki khon ka niamtre.

Em I jar I ngeit, ïa chonglang I hei jooh I phylloh,
Han la kattae leh to ïa ngooh Blai Lang I waroh.
Deiwi i sur kam chidoh chi snaam donhi,
Ïa kani ka khlam (covid -19) u beh ika neini.

Ka chnong Jwai kawa biang ki nongker nongda,
U eh I maiñ ïong ki hawa biang I bhah I bynta.
Behdieñkhlam wasuk wa kmen ïa phi,
Ïoh u ïa chait ïa khiah Lang I.