Ia klumar ki samla pule ka ICFAI University Agartala shah pynpait ki iit kali bad ki jingkhang hostel
JOWAI: Ki samla pule jong ka ICFAI University Agartala kila poi sha u pud ban ïa klumar bad iakynad hapdeng para maki bad kala don ruh ka jingjia pynpait iaki kali motor bad ka jingpynpait iaki jingkhangiit haki jaka sah jong ki.
Kane ka jingiakynad jong ki samla pule kala jia hapdeng ki samla pule ka Meghalaya, Manipur, Mizoram, Nagaland, Assam, Tripura bad ki samla pule na ka jaidbynriew Bengali haka sngi ba Ar.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka khubor kaba iohlum na ki samla pule jong ka Jylla kila iathuh ba kane ka jia kala jia hadien ka jingshah kren kynshlein ki samla pule kynthei ha ki shynrang kiba na ka jaidbynriew Bengali haka sngi Nyngkong.
Kine ki kynthei kiba shah kren kynshlein kila ujor sha kiba pule khamslem ha katei ka skul bah, hynrei ka jingthmu ban ïakren pynbeit halor kane kam shym la poi shaei shaei bad kala wanrah pynban ïaka jingkynad hapdeng ki para samla pule.
La kynnoh ba ki samla pule na ka jaidbynriew Bengali haka sngi ba Ar kila hiar sha ki jaka sah jong ki samla pule kiba don ki khynnah na Meghalaya, Manipur, Mizoram, Nagaland, Tripura bad Assam bad kila pynpait pynpra ïaki kali motor jong ki samla pule na Jylla Meghalaya bad Mizoram bad iaki jingkhang ha ki jaka sah jong ki.
Kane ka jingiakynad kine ki samla pule kala wanrah ka jingshongsyier ïa kiba bun ki samla namar ba ki samla naka jaidbynriew Bengali kila nang pynlang paid ha ryngkat ka byrngem byrsit bad kila kynnoh ba ki shah niewbein ha kiwei pat ki samla pule na kiwei kiwei ki jaidbynriew bad ki jylla hapoh katei ka skul bah.
Kiba bun ki samla pule na Meghalaya, Assam, Manipur, Mizoram, Nagaland kumjuh ki Tripura kiba sah ha ki hostel kim nud mih shuh na kamra bad bun ngut ki kwah ban mih noh na katei ka jaka pule ban leit phai iing namar ka jingtieng. Namar kane ka jingkynad kila hap ban pep iaka jongshong klas.
Ki nongialam ka Khasi Student Union hadien ba kila ioh jingtip halor kane ka jingkynad ki samla pule katei ka skul kila pyrshang ban iakren bad ki nongialam ka Twipra Students’ Federation (TSF) ban tem ïaka jingkynad ban ban wanrah iaka jingshong shngain ki samla pule.
Leave a Reply