Ia soi soskular ka dorbar shnong Mookhep bad ka EJDCA iaka madan shnong ban ialehkai Cricket

Syllad | The Rising MeghalayaMarch 5, 2021

Ka East Jaintia District Cricket Association (EJDCA) kala shim iaka sienjam ban wai (lease) da ka jaka na ka bynta ban ioh jaka ialehkai Cricket ha East Jaintia Hills District bad ia kane ka jaka kala ioh na ka Dorbar Shnong Mookhep ha kaba kila iasoi ruh iaka soskular haka sngi Thohdieng.

Ha kane ka jingiasossukular la iadonlang ki nongialam ka Meghalaya Cricket Association (MCA), u Gedeon Kharkongor secretary MCA, u Naba Bhattacharjee convenor BCCI Task force, Dhhruva Thakuria Treasurer MCA, Rayonakd Kharkamni chairman Group and pitch committee, Eddystone Shylla President AJCA bad u Rajiv Bareh President EJDCA bad u Tnebha Phawa Secretary EJDCA. 

U Tnebha Phawa ula iathuh ba kane ka jingshimwai ia katei ka madan haka shnong Mookhep ka long na ka bynta 30 snem.

Ula ong ruh ba nakaliang ka EJDCA kala ai khublei kyrpang iaka Dorbar Shnong Mookhep kaba la kloi ban ai ia katei ka madan shnong naka bynta ban pyndon kam ka EJDCA ban kyntiew iaka kam ialehkai Cricket hapoh ka District.