Ia syllok ban ai jingiada ba kyrkieh haka iaid ka ieng ha Shillong

Syllad | The Rising MeghalayaMarch 29, 2024

Ka Child Friendly Shillong ka projek hapoh ka jingpyniaid ka Bosco Integrated Development Society haka 22 tarik Lber ha ryngkat ka jngiatreilang ka Shillong Civil Hospital bad SP Traffic, Shillong ka la pynlong ia ka workshop kaba shi sngi “Halor ka phang ka Mat jing ai jingiarap ia ki briew kiba kynduh ia ka jingeh ha ka iaid ka ieng ba man laka sngi”.

Ia kane ka jingai jinghikai la pynlong ha Bosco Integrated Development Society, Shillong.

Kane ka jingiasyllok bad ka tnad Pulit ka long ban ai jingiarap kaba kyrkieh ia ki briew haba aksident da kaba ai nongmuna halor ka jingsumar ban iarap mar mar haba jia ki jingjia aksident. Ha kane ka jingiasyllok la pynlong ruh iaka jingai jinghikai da kaba pyni ne leh iaka CPR (Cardiopulmonary Resuscitation) 

Ka jingthmu jong kane ka workshop ka long ban ai jinghikai ia ki Pulit Traffic kumno ban ai jingiarap kaba mardor ia ki briew kiba kynduh ia ka aksident, namar ki dei maki kiba ha khmat eh ban ai jingiarap ha kato ka por, bad kumno ban ai jingiarap bad ai jinghikai ia ki khynnah ba ki dei ban cross na zebra crossing bad ban peit bha ia ki kali ha ka por ba ki jam iaka surok.

Ki nongshimbynta ha kane ka worshop ki long 17 ngut na ki 6 tylli ki tnad Jong ka police station.